Avval xabar berganimizdek, poytaxtimizdagi “Universal” sport saroyi mezbonlik qilayotgan kattalar, yoshlar va o‘smirlar o‘rtasidagi Osiyo chempionati qizg‘in pallaga kirib bormoqda.
Kecha musobaqaning ikkinchi kun bellashuvlari hamda chempionatning rasmiy ochilish marosimi bo‘lib o‘tdi.
Undan avval yani kunning birinchi yarmida, O‘zbekiston Milliy antidoping agentligi xodimlari tomonidan sportchilar, murabbiylar qo‘yingki jamiki sport ixlosmandlari uchun autrich yani qiziqarli savol javob viktorinalari o‘tkazildi.
Xalqaro sambo assotsiatsiyasi tomonidan yuborilgan halol sportni targ‘ib qilgan yozuvlar tushirilgan futbolkalar viktorinada g‘olib bo‘lgan yurtdoshlarimiz va xorijlik mehmon sportchilarga taqdim etildi. Bundan tashqari, Milliy antidoping agentligi tomonidan maxsus tayyorlangan tarqatma materiallar ham tuhfa etildi.
Milliy antidoping agentligi xodimlari o‘z missiyalarini bajarishda yani doping-sinamalarni olishda davom etishmoqda. Eslatib o‘tamiz, bugun yani 6 iyun kuni musobaqaning so‘ngi kun bellashuvlari bo‘lib o‘tadi.