Agentlik yangiliklari
Agentlik yangiliklari
O‘zDJTSU professor-o‘qituvchilari bilan onlayn muloqot o‘tkazildi
O‘zbekiston Milliy antidoping agentligi mamlakatimizda halol sport, halol raqobatni targ‘ib qilish bilan bir qatorda sportchilarning sog‘lig‘ini saqlash va ularning dopingsiz musobaqalarda qatnashish huquqini himoya qilish hamda antidoping qoidalarining buzilishini aniqlash va oldini olish kabi ishlarni amalga oshiradi.
Agentlik xodimlari sport federatsiya va assotsiatsiyalar bilan hamkorlikni yo‘lga qo‘ygan holda, sportchilarga doping haqida seminarlar o‘tkazib kelmoqda.
Bugun Milliy antidoping agentligi bosh direktori Nodirjon Tursunov onlayn tarzda O‘zbekiston davlat jismoniy tarbiya va sport universiteti professor-o‘qituvchilari bilan muloqot o‘tkazdi. Unda sportchilar taqiqlangan moddalarni tasodifiy isteʼmolidan himoyalanish yo‘llari hamda dopingda qo‘lga tushib qolmaslik uchun nimalarga rioya etish zarurligi haqida tushunchalar berdi.
Bu kabi doimiy o‘tkazib kelinayotgan o‘quv-seminarlardan ko‘zlangan asosiy maqsad sportchilar va murabbiylar ongi-shuriga doping sportga yot illat ekanligini singdirish hamda mamlakatni dopingdan holi hududga aylantirishga qaratilgan.
Milliy antidoping agentligi
Matbuot xizmati
