Barcha sohalarda bo‘lgani kabi so‘ngi yillarda Hukumatimiz tomonidan tibbiyot sohasiga ham katta eʼtibor berilmoqda. Oliy taʼlim muassasalari filiallari va universitetlar qoshida fakultetlar faoliyat boshlayotgani ham so‘zimiz isboti bo‘la oladi.

 Qilinayotgan ishlarning amaliy davomi sifatida bugun Samarqandda “Tibbiy faoliyatning dolzarb muammolari” mavzusida I Xalqaro ilmiy-amaliy anjuman o‘tkazilmoqda. Mazkur anjuman onlayn tarzda tashkil etilgan bo‘lib, unda O‘zbekiston, Rossiya, Belarus, Ukraina hamda Qozog‘istonning sport tibbiyoti sohasidagi 300 dan ortiq yetakchi ilmiy xodimlar va amaliyotchi sport shifokorlari ishtirok etishmoqda.

 Ushbu anjuman sport tibbiyoti sohasida tashkil etilganligini inobatga olib, O‘zbekiston Milliy antidoping agentligi ham anjumanda ishtirok etish uchun taklif etildi. Anjumanda maʼruzachi sifatida ishtirok etgan agentlik bosh direktori Nodirjon Tursunov “Sportda biologik faol qo‘shimchalarni isteʼmol qilinishining doping-xavflari” mavzusida maʼruza qildi va ishtirokchilarni qiziqtirgan savollariga javoblar berdi.

 N.Tursunovning maʼruza matni bilan ushbu havola orqali tanishishingiz mumkin.

Milliy antidoping agentligi

Matbuot xizmati