Ushbu ikki sport tadbirida mamlakatimiz sharafini yanada yuksaltirishga intilayotgan sportchilarimiz uchun keng imkoniyat, qulay sharoitlar yaratilmoqda.

Mazkur musobaqalarda O‘zbekiston Milliy antidoping agentligi sportchilar tomonidan antidoping qoidalariga qatʼiy rioya qilinishi ustidan samarali nazoratni amalga oshirib, O‘zbekiston sport delegatsiyasini antidoping mavzulariga oid tegishli o‘quv-axborot materiallari va turli ko‘rgazmali maʼlumotlar bilan taʼminlash kabi vazifalar bilan bevosita mashg‘ul bo‘ladi.

Katta sport tadbiri oldidan Agentlik tomonidan sportchilarimizni dopingdan asrash borasida keng ko‘lamli ishlar amalga oshirilayotir. Jumladan, sportchilar, murabbiylar va sport shifokorlari uchun antidoping o‘quv-seminarlari o‘tkazilib, dopingga qarshi kurashga oid turli mavzularda taqdimotlar, davra suhbatlari uyushtirilmoqda. Ushbu seminarlar bevosita sportchilarning o‘quv-mashg‘ulot yig‘inlari joylarida hamda karantin tartibini hisobga olgan xolda onlayn shaklda ham tashkil etilmoqda.

Bugun rejaga asosan, Agentlikning Doping sinovlarini rejalashtirish va terapevtik istisnolar bo‘limi hamda Antidoping qoidabuzarliklar va ADAMS monitoringi bo‘limi xodimlari tomonidan Toshkent viloyati, Yangiobod o‘quv bazasida o‘quv-mashg‘ulotlarni olib borayotgan O‘zbekiston boks federatsiyasi sportchilari bilan uchrashuv o‘tkazildi. Unda asosan, Tokio-2020 Olimpiya o‘yinlariga yo‘llanmani qo‘lga kiritgan sportchilarga antidoping qoidabuzarliklari, doping-sinamalarni topshirish tartibi va ADAMS tizimi, ruxsat etilgan dori moddalarini qo‘llashda terapevtik istisno bo‘yicha tushuntirishlar berildi va tarqatma o‘quv-qo‘llanmalar taqdim etildi.

O‘ylaymizki bu kabi o‘quv-seminarlari o‘z samarasini beradi va mamlakatni dopingdan holi hududga aylantirishdagi samarali vositalardan biri bo‘lib xizmat qiladi.

Shu o‘rinda, Tokio-2020 olimpiya o‘yinlarida yurtimiz sharafini himoya qiladigan bokschilarimizga omad yor bo‘lishini tilab qolamiz!

Milliy antidoping agentligi

Matbuot xizmati