Shavkat Miromonovich 1957 yil 24 iyul kuni Jizzax viloyatida tavallud topgan. Keyingi paytlarda O‘zbekistonning jahon hamjamiyatidagi tutgan o‘rni bir necha barobar yuksaldi. Bunga mamlakatimiz Prezidentining tinimsiz say-harakatlari natijasida erishmoqdamiz. Tan olish kerak, Shavkat Mirziyoyevning davlat rahbarligiga kelganiga salkam besh yil bo‘lgan bo‘lsada, biz mana shu qisqa muddat ichida bir necha o‘n yillikning yutuqlarini qo‘lga kiritdik. Har bir sohada o‘sish, ko‘tarilish ko‘zga tashlanmoqda.

Jumladan, mamlakatimizda aholi salomatligini mustahkamlash, yoshlarni jismoniy tarbiya va sportga keng jalb qilish yo‘lida olib borayotgan islohotlari tahsinga loyiq.

Sh.Mirziyoyev 2018 yil 3 yanvardagi “O‘zbekiston Respublikasi Vazirlar Mahkamasi huzuridagi Milliy antidoping agentligi faoliyatini tashkil etish chora-tadbirlari to‘g‘risida”gi qarorni imzoladi. Ushbu qaror orqali mamlakatda halol sportni targ‘ib qiluvchi, xalqaro maydonlarda o‘zbek sportchilarini himoya qiladigan agentlik tashkil etildi va shu kunga qadar samarali faoliyatini davom ettirib kelmoqda. Shundan ham bilsa bo‘ladiki mamlakat Rahbari har bir sohaga alohida eʼtibor qaratmoqda.

Prezident Shavkat Mirziyoyev o‘zbek xalqida ertangi kunga ishonchni qayta jonlantira olgan shaxs sifatida gavdalandi...

O‘zbekiston Respublikasi Vazirlar Mahkamasi huzuridagi Milliy antidoping agentligi Shavkat Miromonovich Mirziyoyevni bugungi tavallud ayyomlari munosabati bilan muborakbod etadi hamda ularga uzoq umr, sihat-salomatlik tilaydi!