Agentlik yangiliklari
Agentlik yangiliklari
WADA tomonidan O‘zbekiston Milliy antidoping agentligi faoliyati yuqori baholandi
Sportda doping qo‘llanishining oldini olish va dopingga qarshi kurashish sohasida yagona davlat siyosatini amalga oshiruvchi O‘zbekiston Milliy antidoping agentligi mana qariyb to‘rt yildan buyon faoliyat olib bormoqda.
Agentlik xalqaro tashkilotlar bilan o‘zaro hamkorlikni yo‘lga qo‘ygan va bu orqali mamlakat sportchilarini qo‘llab-quvvatlab kelmoqda.
Butun dunyodagi milliy antidoping agentliklari faoliyatini qo‘llab-quvvatlaydigan Butunjahon antidoping agentligi (WADA) milliy antidoping agentliklaridan amalga oshirgan ishlari bo‘yicha hisobotlarni qabul qiladi va baholab boradi.
Kuni kecha O‘zbekiston Milliy anatidoping agentligi bosh direktori Nodirjon Tursunov va bo‘lim boshlig‘i Nigora Azamatovalar Butunjahon antidoping agentligi tomonidan tuzilgan Ekspert guruhi (Ye.Stanikunene, k.Li, F.Dugare, r.Kvon hamda G.Lilar)ga birinchi yarim yillik hisobotlar taqdimotini o‘tkazishdi.
Onlayn shaklda o‘tkazilgan tadbirda pandemiya davrida O‘zbekiston Milliy antidoping agentligining targ‘ibot-tashviqot hamda sportchilarni doping-testlash borasidagi faoliyati Ekspert guruhi tomonidan ijobiy baholandi.
Shuningdek, yilning 2-chi yarimida bajarilishi rejalashtirilgan ishlar muhokama qilindi va aniq rejalar ishlab chiqildi.
Milliy antidoping agentligi
Matbuot xizmati
