Xabaringiz bor Tokio hozirgi kunda butun dunyo nigohida. Sababi kunchiqar yurtda to‘rt yillikning eng nufuzli musobaqasi bo‘lgan yozgi Olimpiya o‘yinlari o‘tkazilmoqda. Mamlakatimiz vakillari uchun Rio-2016 ga qaraganda  qaraganda unchali ijobiy natijalar qayd etilmayapti. Bahslarda sportchilarimiz borlarini berib harakat qilishmoqda, ammo sportda harakatning o‘zi kamlik qiladi...

Olimpiya o‘yinlari yakunlanishi bilan Paralimpiya bo‘yicha mamlakat vakillari bahslarga kirishadi. Medallar jamg‘arish bo‘yicha ham asosiy umid aynan paralimpiya sport turlaridan edi. O‘ylaymizki sportchilarimiz bu ishonchni albatta oqlashadi.

Sportchilarimizni nazariy bilimlarini ham mustahkamlash maqsadida kuni kecha O‘zbekiston Milliy antidoping agentligining Antidoping qoidabuzarliklar va ADAMS monitoringi bo‘limi boshlig‘i Nigora Azamatova, Doping sinovlarini rejalashtirish va terapevtik istisnolar bo‘limi boshlig‘i Gulnoza Tursunova hamda Matbuot xizmati boshlig‘i Humoyun Omonovlar Toshkent viloyati, Xo‘jakent qishlog‘ida so‘ngi o‘quv-mashg‘ulotlarni olib borayotgan parakanoechilar bilan o‘quv-seminarini o‘tkazishdi.

Paralimpiya o‘yinlarida ishtirok etish huquqini qo‘lga kiritgan umidli parakonoechilarimiz Azizbek Abulxabibov, Xaitmurod Sherqo‘ziyev va Shahnoza Mirzayevalarga doping tushunchasi, uning inson salomatligiga taʼsiri, ADAMS tizimi va terepevtik istisnolar bo‘yicha tushunchalar berildi.

Ishonamizki paralimpiyachilarmiz Tokiodan shoda-shoda medallar bilan yurtimizga qaytib kelishadi. Bu yo‘lda ular omad yor bo‘lishini tilab qolamiz!

Maʼlumot uchun aytib o‘tmoqchimiz Olimpiyachilar hozirga qadar delegatsiyamiz hisobiga bitta oltin va yana shuncha bronza medalini yozdirib qo‘yishdi. Taekvondo bo‘yicha Ulug‘bek Rashitov tengsiz bo‘lgan bo‘lsa, O‘zbekistonning eng yaxshi sportchisi deya eʼtirof etilgan dzyudochimiz Davlat Bobonov bronza medaliga sazovor bo‘ldi.

Milliy antidoping agentligi

Matbuot xizmati