Bugun musobaqaning ikkinchi kun bahslarida ikki nafar erkak va ikki nafar ayol para-suzuvchilarimiz startga chiqishdi.

100 metr masofaga chalqancha suzishda erkaklar Muzaffar Tursunxo‘jayev va Islam Aslanov, ayollar Shohsanamxon Toshpo‘latova va Nigoraxon Mirzoxidovalar S13 klassda bahslarni boshlashgan edi.

Yigitlarimizga saralashda biroz omad yetishmagan bo‘lsa, qizlarimiz Shohsanamxon va Nigoraxonlar final yo‘llanmasini qo‘lga kiritishdi.

Shunday qilib, qizlarimizning jismoniy imkoniyatidan kelib chiqib aytadigan bo‘lsak bugun ham kamida 2 ta medal delegatsiyamiz hisobiga yozilishi mumkin.

Ayollar o‘rtasida 100 metrga chalqancha usulda suzish bo‘yicha final bahsi bugun Toshkent vaqti bilan soat 15:12 da bo‘lib o‘tadi. Ushbu bahslarda qizlarga omad tilaymiz!

Olg‘a O‘zbekiston!

Milliy antidoping agentligi

Matbuot xizmati