Bu yo‘lda esa Agentlik tomonidan ko‘plab ishlar amalga oshirilmoqda. Jumladan, har bir ustuvor federatsiya va assotsosiatsiyalar, sport taʼlim muassasalari bilan hamkorlikni yo‘lga qo‘ygan holda antidoping qoidabuzarliklari, dopingni sportchi salomatligiga taʼsiri va oqibati haqida onlayn va oflayn o‘quv-seminarlar o‘tkazib kelinmoqda.

Bevosita sportchilar bilan birga ularni murabbiylari va sport shifokorlariga ham Butunjahon antidoping agentligi tomonidan ishlab chiqilayotgan qoidalar bilan tanishtirish maqsadida suhbatlar ham tashkil etib kelinmoqda.

Shunday o‘quv-seminarlardan biri Qashqadaryo viloyati Qarshi olimpiya zaxiralari kolleji murabbiylari va o‘quvchilari bilan onlayn tarzda tashkil etildi.

Onlayn seminarda Agentlik xodimlari sportda doping qo‘llanilishining oldini olish va dopingga qarshi kurashish sohasida faollik ko‘rsatishlari lozimligiga alohida to‘xtalib o‘tishdi.

Yangi o‘quv yili boshlangandan so‘ng sport taʼlim muassasalari bilan hamkorlikda bunday seminarlar soni ortib boraveradi O‘zbekiston Milliy antidoping agentligi esa o‘z vazifasini bajarishda davom etadi.

 Eslatma! Antidoping qoidalarini buzgan sportchilar, murabbiylar, shifokorlar va boshqa shaxsiy tarkib vakillari uchun jazo muqarrardir!.

Milliy antidoping agentligi

Matbuot xizmati