Joriy yilning 12-14 noyabr kunlar kattalar o‘rtasida sambo bo‘yicha jahon chempionati mamlakatimizda o‘tkazilgan edi. Ushbu musobaqada sportchilardan doping sinamalarni olish O‘zbekiston Milliy antidoping agentligiga ishonib topshirilgan va agentlik xodimlari bildirilgan ishonchni oqlashgan edi.

Navbatdagi xalqaro musobaqa qilichbozlikning sabliya yo‘nalishi bo‘yicha yoshlar o‘rtasida jahon kubogiga poytaxtimiz Toshkent shahri mezbonlik qildi. Mazkur chempionatda sportchilardan doping-sinamalarni olish agentlikka ishonib topshirildi. Agentlik xodimlari bildirilgan ishonchni oqlashdi. Umumiy hisobda yakkalik va jamoaviy bahslarda ishtirok etgan ikki nafar sportchidan ixtiyoriy tanlov asosida doping-sinamalar olindi.

Alohida taʼkidlab o‘tishimiz lozim, mazkur musobaqada vakillarimiz ishonchli ishtirok etdi. Iqtidorli sportchimiz Zaynab Dayibekova barcha raqiblaridan ustun keldi va oltin medalni qo‘lga kiritgan edi. Kecha esa qizlarimiz Zaynab Dayibekova, Guliston Pardibayeva, Samira Shakirova hamda Venera Isroilova juftligi Misr, Bolgariya va rossiyalik raqibalarini mag‘lubiyatga uchratgan holda oltin medalni qo‘lga kiritishdi.

Ushbu muvaffaqiyat bilan barcha sportchi va sport mutasaddilarini tabriklaymiz!

 Milliy antidoping agentligi

Matbuot xizmati