Agentlik yangiliklari
Agentlik yangiliklari
Osiyo chempionatiga tayyorgarlik olib borayotgan dzyudochilarga doping haqida tushunchalar berildi
O‘zbekiston Milliy antidoping agentligining asosiy vazifasi sportchilarning dopingsiz musobaqalarda qatnashish uchun asosiy huquqlarini himoya qilishdir. Shu maqsadda Agentlik tomonidan ko‘plab ishlar amalga oshirib kelinmoqda.
Jumladan, O‘zbekiston dzyudo federatsiyasi taklifiga binoan hozirda Osiyo chempionatiga tayyorgarlik ko‘rayotgan o‘smirlar va yoshlar terma jamoamiz sportchilariga doping haqida tushunchalar berildi.
O‘quv-seminar davomida dzyudochilarga sportda taqiqlangan moddalar, ADAMS tizimi, terapevtik qo‘llash hamda doping test jarayoni to‘g‘risida mutaxassislar tomonidan tushuntirish ishlari olib borildi.
Ushbu tarkibdagi yoshlarni asosiy qismi endigina katta sportga qadam qo‘yayotgan umidli sportchilar hisoblanadi. Ularga hozirdan dopingni inson salomatligiga jiddiy tasiri borligi, asoratlari to‘g‘risida tushuntirish ishlarini olib borish ayni to‘g‘ri yo‘l hisoblanadi.
Seminar davomida sportchilarni ko‘proq doping test jarayoni qiziqtirdi va mutaxassislar tomonidan ayni shu jarayon ko‘rsatib berildi. O‘quv-seminar yakunida sportchilarga maxsus tayyorlangan tarqatma materiallar taqdim etildi.
Milliy antidoping agentligi
Matbuot xizmati
