Agentlik yangiliklari
Agentlik yangiliklari
“Taqiqlangan ro‘yxat-2022”da 5 ta o‘zgartirish va 4 ta qo‘shimcha kiritildi
Markaziy Osiyo bo‘yicha Mintaqaviy antidoping tashkiloti (RADO-CA)ning navbatdagi onlayn yig‘ilishi bo‘lib o‘tdi. Unda, 2022 yil 1 yanvardan boshlab “Taqiqlangan ro‘yxat”ga kiritilgan o‘zgartirish va qo‘shimchalar muhokama qilindi.
Tadbirni RADO-CA menejeri Venera Abdula va Butunjahon antidoping agentligi (WADA)ning Ilmiy-tadqiqotlar departamenti boshlig‘i Chiya Olbrayt olib bordi. Mazkur yig‘ilishda O‘zbekiston Milliy antidoping agentligi Bosh direktori Nodirjon Tursunov va Antidoping qoidabuzarliklar va ADAMS monitoringi bo‘limi boshlig‘i Nigora Azamatovalar ishtirok etishdi.
2022 yil 1 yanvardan kuchga kiradigan “Taqiqlangan ro‘yxat”ning yangi tahririda jami 5 o‘zgartirish va 4 qo‘shimchalar kiritilgan. Xususan, endilikda sportchilar organizmida aniqlangan anaboliklar tashqi va ichki anaboliklarga ajratilmasligi, glyukokortikoidlarni musobaqadan tashqari hamda musobaqa davrida isteʼmol qilish tartibi o‘zgardi.
“Taqiqlangan ro‘yxat-2022” va unga sharhlar O‘zbekiston Milliy antidoping agentligi mutaxassislari tomonidan tez kunlarda o‘zbek tilida tayyorlanib sportchilar, murabbiylar va sport shifokorlari eʼtiboriga havola etiladi.
Milliy antidoping agentligi
Matbuot xizmati
