Lekin, maʼlum bir sport turlari og‘ir atletika, yengil atletika, boks, triatlon va shunga o‘xshash jismoniy mashqlarni ko‘p talab etadigan sport turlarida ko‘plab doping isteʼmol qilgan sportchilarga duch kelamiz.  

O‘zbekiston Respublikasi Vazirlar Mahkamasi huzuridagi Milliy antidoping agentligi tomonidan ustuvor hisoblangan federatsiya va assotsiatsiya, sport taʼlim muassasalari sportchilari uchun doping to‘g‘risida tushunchalar berib kelinmoqda.

Jumladan, kuni kecha O‘zbekiston yengil atletika federatsiyasi sportchilari, sport shifokorlari va murabbiylari uchun “Doping tarixi. Dopingning organizmga salbiy taʼsiri”, “Dori moddalarda Terapevtik istisnolar” mavzularida o‘quv-seminar o‘tkazildi. Sportchilarimizning musobaqalarda shaffof va sof g‘alabalari sari tayyorgarlik davrida o‘tkazilgani bu tadbir ularni yana-da sog‘lom bo‘lib, turli nojo‘ya illatlarga, asoratlarga olib keladigan dopingga qarshi kurashishlariga asos bo‘ladi.

Seminar ishtirokchilari “doping” so‘zining maʼnosi, uning organizmga taʼsiri va oqibatlari haqida to‘liq maʼlumotlarga ega bo‘lishdi. Shuningdek, atletlarimizning antidoping sohasida bilimlarini sinab ko‘rish maqsadida maxsus test materiallari ham tarqatildi. Seminar yakunida sportchilar o‘zlarini qiziqtirgan savollar bilan murojaat qilishdi va kerakli tavsiyalarni olishdi.