Seminar davomida Antidoping taʼlim dasturlari boʻlimi boshligʻi dotsent Z.Yu.Gaziyeva Butunjahon Antidoping agentligi Kodeksining 2- moddasida “Antidoping qoidabuzarlik turlari” belgilanganligi va ular Sportchi va uning personali uchun muhim qoidaligi haqida taʼkidlab oʻtdi. Antidoping qoidabuzarlik turlari 11 ta boʻlib, ishtirokchilarga ular haqida toʻliq tushuncha berildi.
Jumladan, sportchi namunasida taqiqlangan modda yoki uning metabolitlari yoki markerlarining mavjudligi, sportchilar ularning namunalarida topilgan har qanday taqiqlangan modda yoki uning metabolitlari yoki markerlari uchun javobgardir. Shunga koʻra, qoidabuzarlikni aniqlashda sportchining niyati, aybi, beparvoligi yoki birga turib foydalanishi isbotlanishi shart emas.
Agar taqiqlanganlar roʻyxatida miqdoriy chegara boʻlmasa, sportchi namunasida har qanday miqdordagi taqiqlangan modda yoki uning metabolitlari, markerlari mavjudligi antidoping qoidalarini buzish hisoblanadi.
Sportchi tomonidan taqiqlangan moddadan yoki taqiqlangan usuldan foydalanish yoki foydalanishga urinish:
taqiqlangan moddadan yoki taqiqlangan usuldan foydalanish yoki foydalanishga urinish muvaffaqiyat yoki muvaffaqiyatsizlikka olib keladimi, ahamiyatsiz. Taqiqlangan moddadan yoki taqiqlangan usuldan foydalanish yoki foydalanishga urinish antidoping qoidalari buzilganligini aniqlash uchun etarli.
Seminar davomida murabbiylar va sport travmatologi tomonidan savollarga aniq va toʻliq javob berildi. Barcha ishtirokchilar test savollariga javob belgilashdi.
Seminar yakunida Andijon OZK rahbariyati, sport shifokorlari, sport psixologi va sport murabbiylarga Oʻzbekiston Respublikasi Vazirlar Mahkamasi  huzuridagi Milliy antidoping agentligi Antidoping taʼlim dasturlari boʻlimi tomonidan “Doping tarixi, uning organizmga taʼsiri va asoratlari”, “Antidoping qoidabuzarlik turlari” mavzularida oʻtkazilgan seminar ishtirokchisi” sertifikati taqdim etildi.