Maʼlumki, O‘zbekiston Milliy antidoping agentligi hamda Jismoniy tarbiya va sport mutaxassislarini ilmiy-metodik taʼminlash va malakasini oshirish instituti yo‘riqchi-uslubchilar va olimpiya, noolimpiya va paralimpiya sport turlari bo‘yicha murabbiylarga dopingga qarshi kurashish bo‘yicha maxsus o‘quv kurslarini tashkil etish va o‘tkazish borasida uzoq muddatli hamkorlik aloqalari o‘rnatilgan.

Kuni kecha Agentlik mutaxassislari ushbu Institut tinglovchilari Toshkent shahar, Qoraqalpog‘iston Respublikasi hamda Andijon, Buxoro, Samarqand, Navoiy va Toshkent viloyati bolalar va o‘smirlar sport maktablari yo‘riqchi-uslubchilari uchun "Zamonaviy sportda doping muammosi, uning sabablari va oqibatlari" mavzusida antidoping taʼlim seminarini o‘tkazishdi.

Seminarda Agentlik bosh direktori N.Tursunov maʼruza qildi. Taqdimotning ikkinchi qismi davra suhbati va savol-javoblar shaklida qizg‘in davom etdi. Shuningdek, tadbir ishtirokchilariga ko‘rgazmali va axborot materiallari tarqatilib, Agentlikning aloqa maʼlumotlari (tel. +99895 1996601, 1995501; www.uznada.uz veb-sayti va Telegram, Instagram va Facebook ijtimoiy tarmoqlaridagi #antidoping.uz kanallari) tavsiya etildi.