World Athletics Xalqaro yengil atletika federatsiyasi rossiyalik sportcha yurish sportchisi Yelena Lashmanovani doping qoidabuzarligida aybdor deb topdi. Endi Lashmanova London-2012 olimpiada hamda Moskva-2013 Jahon chempionati oltin medallarini qaytarib berishi lozim. Bu mukofotlar unga 20 km masofada sportcha yurishda erishgan natijalari uchun berilgandi. Diskvalifikatsiya muddati 14-mart kunidan boshlanib 2 yil davom etadi. Lashmanovaning 2012-yil 18-fevraldan 2014-yil 3-yanvarga qadar qoʻlga kiritgan sport natijalari bekor qilindi.Eslatib oʻtamiz, Yelena Lashmanova sportcha yurish dissiplinasida oʻz vaqtida “daho” va “muhtasham” deb eʼtirof etilgan, keyinchalik esa “doping-maktabi”ni yaratganligi va 56 ta sportchida doping qoʻllash orqali “shon-shuhrat”ga erishgani uchun umrbod diskvalifikatsiya qilingan murabbiy Viktor Cheginning shogirdlaridan biri.Lashmanovadan olingan doping-sinamada GW501516 moddasining metabolitlari aniqlangan. Bu gen dopingi hisoblanmish metabolizm modulyatori boʻlib, inson salomatligi uchun oʻta xavfli va onkologik kasalliklarini keltirib chiqaradi. Shuning uchun ushbu moddaning qoʻllanilishi Butunjahon sogʻliqni saqlash tashkiloti tomonidan taqiqlangan boʻlib, uni faqat “qora” bozorda topish mumkin.