Jumladan, kuni kecha O‘zbekiston Milliy antidoping agentligi Antidoping taʼlim dasturlari bo‘limi tomonidan O‘zbekiston dzyudo federatsiyasi terma jamoa  aʼzolari, murabbiylar va sport shifokorlariga “Antidoping qoidabuzarlik turlari” mavzusida ZOOM platformasi orqali onlayn o‘quv-seminar o‘tkazildi.

Seminarda Antidoping taʼlim dasturlari bo‘limi boshlig‘i dotsent Z. Gaziyeva Butunjahon antidoping agentligi Kodeksining 2-moddasida “Antidoping qoidabuzarlik turlari” belgilanganligi hamda ular sportchi va uning personali uchun muhim qoida ekanligi haqida taʼkidlab o‘tdi. Shuningdek, antidoping qoidabuzarlik turlari 11 ta bo‘lib, ishtirokchilarga ular haqida to‘liq maʼlumotlar berildi.

Qolaversa, eng asosiysi Butunjahon antidoping kodeksi qoidalari, taʼqiqlangan modda uning metaboliti yoki markerining sportchidan olingan sinamada mavjudligi, sportchi tomonidan taʼqiqlangan modda yoki uslubni qo‘llash va qo‘llashga urinish, doping-test topshirishdan bosh tortish, qarshilik ko‘rsatish yoki tashrif buyurmaslik, sportchi yoki uning personali tomonidan doping-nazoratining barcha bosqichida soxtalashtirish yoki soxtalashtirishga urinish, taʼqiqlangan modda yoki taʼqiqlangan usulni qo‘llash uchun asbob uskunalarga egalik qilish, sportchiga taʼqiqlangan modda yoki uslubni tavsiya qilish yoki tavsiya qilishga urinish haqida tushunchalar berib o‘tildi.