Agentlikning Antidoping taʼlim dasturlari boʻlimi boshligʻi, dotsent Z.Gaziyeva hamda bosh mutaxassis L.Umedovalar tomonidan “Doping va uning sportchi salomatligiga taʼsiri” mavzusida oʻquv-seminar oʻtkazildi.

Oʻtkazilgan seminarda doping sportda — raqobatbardosh sportchilarning sport koʻrsatkichlarini oshiruvchi, tananing jismoniy yoki psixologik faolligini vaqtincha oshiruvchi, noqonuniy dori vositalarini qoʻllash, organizmga nojoʻya taʼsir koʻrsatadigan va maxsus aniqlash usullari mavjud boʻlgan biologik faol moddalar, sport koʻrsatkichlarini majburiy oshirish usullari va koʻp sonli dori-darmonlar mashgʻulot yoki musobaqa paytida sportchilar uchun taqiqlangan maqomiga ega ekanligi taʼkidlandi.

Tadbir davomida mavzu boʻyicha slaydlar yordamida qiziqarli maʼlumotlar berildi hamda doping nazorat qoidalari, Butunjahon antidoping agentligi tasdiqlagan taʼqiqlangan moddalar toʻgʻrisida ham maʼlumotlarga ega boʻlishdi.