Shu kunga qadar Agentlik xodimlari xalqaro tashkilotlar tomonidan tashkil etilgan o‘quv-seminarlarda ishtirok etib kelgan bo‘lsa, endi o‘zlari nufuzli seminarlarda maʼruzalari bilan ishtirok etishmoqda.

Jumladan, joriy yilning 13-14 may kunlari Moskva shahrida bo‘lib o‘tadigan  “Millat salomatligi - Davlat ravnaqining poydevori" mavzusida Butunrossiya xalqaro ilmiy-amaliy forumi ishida ishtirok etish maqsadida rasmiy tashrif bilan bo‘lib turishibdi.

Anjuman dasturi  doirasida "Dopingga qarshi kurashish - sportchilar salomatligiga nazar" mavzusida davra suhbati bo‘lib o‘tadi. Unda, O‘zbekiston Milliy antidoping agentligi bosh direktori N.Tursunov “Biologik faol qo‘shimchalar va sport oziqlanishlarni isteʼmol qilishda doping-xavflar” mavzusida maʼruzasi bilan ishtirok etadi.

Tadbirning ikkinchi kunida Rossiya antidoping agentligining Antidoping taʼlim dasturlari hamda Terapevtik istisnolar bo‘limlari va komissiyalar faoliyati bilan tanishish va tajriba almashish rejalashtirilgan.

O‘zbekiston Milliy antidoping agentligi

Matbuot xizmati