O‘zbekiston Respublikasi Prezidentining “2022 yilda Xanchjou shahrida (Xitoy) bo‘lib o‘tadigan XIX yozgi Osiyo va IV Paraosiyo o‘yinlariga O‘zbekiston sportchilarini kompleks tayyorlash to‘g‘risida”gi qarori qabul qilingan edi.
Mazkur qarorning 12 bandiga ko‘ra, O‘zbekiston Milliy antidoping agentligi quyidagi vazifalarni bajarish topshirilgan:
sportchilar tomonidan antidoping qoidalariga qatʼiy rioya qilinishi ustidan samarali nazoratni amalga oshish;
sport federatsiya (assotsiatsiya)lari bilan birgalikda reja-grafik asosida seminar-treninglar tashkil qilib borish;
O‘zbekiston sport delegatsiyasi aʼzolarini antidoping mavzulariga oid tegishli o‘quv-axborot materiallari va turli ko‘rgazmali maʼlumotlar bilan taʼminlash topshiriqlari berilgan edi.
Qaror ijrosini taʼminlash maqsadida O‘zbekiston Milliy antidoping agentligi Antidoping taʼlim dasturlari bo‘limi bosh mutaxassisi Laylo Umedova tomonidan joriy yilning 13-may kuni Samarqand Olimpiya zaxiralari kolleji sportchi-o‘quvchilari, murabbiylar va metodistlarga antidoping o‘quv-seminari o‘tkazildi.
Onlayn ZOOM platformasi orqali tashkil etilgan o‘quv-seminarda “Antidoping qoidabuzarlik turlar” mavzusida mutaxassis tomonidan tushunchalar berildi. Seminar davomida sporti o‘quvchilar o‘zlarini qiziqtirgan savollar bilan murojaat qilishdi va kerakli tavsiyalarni olishdi.
Milliy antidoping agentligi
Matbuot xizmati