Hozirgi kunda oʻzbekistonlik sportchilar ham mazkur tuzimda koʻplab xatoliklarga yoʻl qoʻymoqda. Bu esa oʻz navbatida qoidabuzarlik turlariga kiradi.

O‘zbekiston Respublikasi Prezidentining “2022 yil 1 iyuldagi 2026 yil Milan va Kortina-d‘Ampesso shaharlarida (Italiya) bo‘lib o‘tadigan XXV qishki Olimpiya va XIV Paralimpiya o‘yinlariga O‘zbekiston sportchilarini kompleks tayyorlash to‘g‘risida”gi PQ 303-sonli Qarori ijrosini taʼminlash maqsadida Agentlik tomonidan chora-tadbirlar dasturi ishlab chiqilgan bo‘lib, mazkur dastur ijrosini taʼminlash, sportchi va sportchilarning yordamchi personaliga ularning huquq va majburiyatlarini (doping-sinamalar natijalariga yondashish, taʼqiqlangan moddalarni isteʼmol qilish uchun terapevtik istisno hujjatlarini rasmiylashtirish, ADAMS tizimi orqali sportchining joylashuvi haqida maʼlumotlarni elektron bazaga kiritishni) o‘rgatish shuningdek, doping-test va doping nazoratning boshqa elementlarini tashkil etish, shu jumladan ADAMS dasturi, namunalar va biomateriallarni topshirish tartib-tamoyili to‘g‘risida sportchilar va shifokorlarga axborot - maslahat berishni taʼminlash maqsadida O‘zbekistonlik Milliy antidoping agentligi Antidoping qoidabuzarliklari va ADAMS monitoringi bo‘limi boshlig‘i N.Azamatova  tomonidan muntazam ravishda tushuntirish ishlari olib borildi.

Jumladan, Toshkent viloyati Chirchiq shahrida oʻquv-mashgʻulot yigʻinini olib borayotgan Ayollar kurashi boʻyicha terma jamoa aʼzolariga ADAMS tizimida roʻyxatdan oʻtish, tizimga maʼlumotlarni kiritish va oʻz vaqtida berilmagan maʼlumotlar uchun qanday antidoping qoidabuzarligi sodir etilgan deb topilishi va jazo turlari boʻyicha maʼlumot berildi.

Shuningdek, parapaurlifting sport turi boʻyicha terma jamoa aʼzolari va murabbiylariga ham ADAMS tizimiga maʼlumot kiritish boʻyicha tushunchalar berildi.