Agentlik yangiliklari
Agentlik yangiliklari
RADOCA bosh direktori Agentlik faoliyati bilan yaqindan tanishdi
Oʻzbekiston Respublikasi Vazirlar Mahkamasi huzuridagi Milliy antidoping agentligi oʻz faoliyatini 2018-yilda boshlagan boʻlib, shu kunga qadar bir qator xalqaro tashkilotlar bilan oʻzaro hamkorlik aloqalarini yoʻlga qoʻygan.
Jumladan, Markaziy Osiyo mintaqaviy antidoping tashkiloti (8 ta davlat aʼzo. Oʻzbekiston, Qozogʻiston, Pokiston, Turkmaniston, Tojikiston, Mongoliya, Afgʻoniston va Qirgʻiziston) milliy antidoping agentliklarini faoliyatini monitoring qilib kelmoqda.
Kuni kecha, Markaziy Osiyo mintaqaviy antidoping tashkilotlari (RADOCA) direktori Venera Abdulla mamlakatimizga tashrif buyurdi. Mazkur tashrifdan koʻzlangan maqsad Oʻzbekiston Milliy antidoping agentligi faoliyatini auditdan oʻtkazish va ishini yanada yaxshilash hamda kelajakdagi rejalarni amalga oshirishda koʻmaklashishdan iboratdir.
Tashrif davomida Agentlik faoliyati yuzasidan 2019-2021-yillar hisoboti tinglandi. Agentlikni 2022-yilga qoʻyilgan rejalar haqida muloqot olib borildi. Shundan soʻng, avvalgi xatolarni takrorlamaslik va oldindagi rejalarni puxta va mukammal amalga oshirish boʻyicha koʻrsatmalar berildi .
