Qarorda belgilangan topshiriqlar ijrosini taʼminlash maqsadida Agentlik tomonidan uzoqqa mo‘ljallangan dastur ishlab chiqildi. Dasturda – sportchilar va trenerlarni «shaffof sport»ga targ‘ib qilish, sportda farmakologik taʼsirga ega dori preparatlari va boshqa moddalardan to‘g‘ri foydalanish borasida sportchilar, trenerlarning madaniyati va savodxonligini oshirish tadbirlarini o‘tkazish, sportchilarni antidoping mavzulariga oid tegishli o‘quv-axborot materiallari va turli ko‘rgazmali maʼlumotlar bilan taʼminlash hamda sportchilar tomonidan antidoping qoidalariga qatʼiy rioya qilinishi ustidan samarali antidoping nazoratini amalga oshirish nazarda tutilgan.

Dasturda belgilangan vazifalar ijrosini taʼminlash maqsadida sport kurashlari bo‘yicha terma jamoa aʼzolariga antidoping o‘quv seminari o‘tkazildi.

Seminarda sportchilar, murabbiylar va sport shifokorlari ishtirok etishdi. O‘quv-seminari davomida O‘zbekiston Milliy antidoping agentligi mutaxassislari tomonidan sportda taqiqlangan dori vositalarini isteʼmol qilmaslik, ADAMS platformasidan to‘g‘ri foydalanish bo‘yicha maʼlumotlar berildi.