Jizzax viloyatiga safar davomida viloyatdagi sport taʼlim muassasalarida sportchilarga yaratilgan sharoitlar bilan tanishildi, profilaktika maqsadida sportchilar qanday qo‘shimcha mahsulotlarni isteʼmol qilmoqda, ular isteʼmol qilayotgan dorilar taʼqiqlangan ro‘yxatga kiritilmaganmi shularni bilish maqsadida tibbiyot xonalari ko‘zdan kechirildi va kerakli tushuntirishlar berildi.

Shundan so‘ng, Agentlik mutaxassislari tomonidan murabbiylar, sport shifokorlari va sportchilarga antidoping o‘quv-seminari o‘tkazildi.

Tashrif so‘ngida viloyatdagi sport muassasalari rahbarlari va mutasaddi xodimlari ishtirokida onlayn yig‘ilish ham tashkil etildi. Yig‘ilishda sportchilarning dopingsiz musobaqalarda qatnashishi uchun kerakli tavsiyalar berishga va xalqaro maydonlarda sportchilar huquqlarini himoya qilish bo‘yicha Agentlik doim yordamga tayyor ekanligi taʼkidlandi.

O‘zbekiston Milliy antidoping agentligi tomonidan amalga oshirilayotgan bu ishlarning barchasi mamlakatimiz bayrog‘ini xalqaro maydonlarda yuqori ko‘tarayotgan sportchilarimizni salomatligini asrash yo‘lidagi say-harakatdir.

Unutmang, dopingga qarshi kurash har birimizning asosiy vazifamiz bo‘lishi lozim!

O‘zbekiston Milliy antidoping agentligi

Axborot xizmati