Para dzyudo boʻyicha terma jamoa aʼzolariga doping toʻgʻrisida tushunchalar berildi

Agentlik yangiliklari

Para dzyudo boʻyicha terma jamoa aʼzolariga doping toʻgʻrisida tushunchalar berildi

Soʻngi yillarda mamlakatmizda jismoniy tarbiya va sportga hukumat darajasida eʼtibor berilmoqda. Buning zamirida esa sportchilarimiz xalqaro maydanlarda yurtimiz bayrogʻini yuksaklarga koʻtarib kelishmoqda. Ayniqsa, alohida taʼkidlashimiz lozim paralimpiyachilarning soʻngi Tokio olimpiadasida qoʻlga kiritgan gʻalabalari tahsinga loyiq.

Oʻzbekiston Milliy antidoping agentligi, Sportni rivojlantirish vazirligi, Milliy Olimpiya qoʻmitasi va Milliy paralimpiya qoʻmitalari tomonidan tasdiqlangan “2024-yil Parij shahrida (Fransiya) boʻlib oʻtadigan XXXIII yozgi Olimpiya va XVII Paralimpiya oʻyinlariga Oʻzbekiston sportchilarini tayyorlashda doping qoʻllanilishini oldini olish va dopingga qarshi kurashish boʻyicha chora-tadbirlari toʻgʻrisida”gi dastur tasdiqlangan.

Dasturga muvofiq, Oʻzbekiston Milliy antidoping agentligining asosiy vazifasi sportchilarning dopingsiz musobaqalarda qatnashish uchun asosiy huquqlarini himoya qilishdir. Shu maqsadda Agentlik mutaxassislari ustuvor hisoblangan federatsiya va assotsiatsiyalarga borgan holda antidoping oʻquv seminarlarini oʻtkazib kelishmoqda.

Jumladan, bugun Agentlik xodimlari Para dzyudo boʻyicha Toshkent viloyati “Shirinbuloq” sport bazasida oʻquv mashgʻulotlarini olib borayotgan terma jamoa aʼzolariga doping nima, uning inson salomatligiga salbiy taʼsiri, doping tarixi va terapevtik qoʻllash boʻyicha oʻquv-seminarini oʻtkazishdi.

Seminar davomida sportchilar va murabbiylar oʻzlarini qiziqtirgan savollar bilan murojaat qilishdi hamda mutaxassislar tomonidan kerakli tavsiyalar berildi.