Koʻhna va navqiron Samarqand shahri joriy yilning 21-25-sentyabr kunlari ochiq havzada suzish boʻyicha 10-Osiyo ochiq musobaqasi (Asian Open Water)ga mezbonlik qilmoqda.
Mazkur Osiyo birinchiligida belgilangan ravishda sportchilardan doping sinamalarni olish Oʻzbekiston Milliy antidoping agentligi doping ofitserlari tomonidan amalga oshirilmoqda.
Shu munosabat bilan tajribali doping ofitserlarimiz Samarqand shahrida boʻlib turishibdi. Ishonchimiz komil, xodimlarimiz oʻzlariga bildirilgan yuksak ishonchni oqlashadi, albatta.
Aytib oʻtish lozim, ushbu Osiyo chempionatiga yuqori darajada tayyorgarlik olib borilgan. Maʼlumot uchun aytib oʻtmoqchimiz Osiyo suzish federatsiyasiga qitʼamizdagi 45ta davlat aʼzo sanaladi. Oldinda turgan katta sport musobaqasida barcha sportchilar dopingsiz halol yoʻl bilan gʻalabalarga erishishlarini tilab qolamiz.