Jumladan, bugun Turkiya antidoping komissiyasi (Turkiya antidoping agentligi) raisi Roʼshtoʼ Goʼner bilan onlayn yigʻilish tashkil etildi. Yigʻilishda Oʻzbekiston Milliy antidoping agentligi bosh direktori A.Sadikov va xodimlar ishtirok etishdi.

Mazkur uchrashuvda oʻzaro hamkorlik aloqalarini mustahkamlash, bu orqali tajriba almashish va malaka oshirish kurslarini tashkil qilish masalalari yigʻilish kun tartibidagi asosiy masala boʻldi.

Oʻzbekiston Milliy antidoping agentligi hamda Turkiya antidoping komissiyasi oʻrtasida uzoqqa moʻljallangan kelishuv memorandumi va xodimlarni malakasini oshirish yaʼni doping nazorati, terapevtik istisno hamda antidoping taʼlim dasturlari boʻyicha oʻquv kurslarni tashkil qilishga qaratilgan 3 yillik shartnoma imzolash yuzasidan soʻz yuritildi.

Ushbu memorandum doirasida onlayn va oflayn oʻqitish kurslari tashkil etiladi va yakunda xalqaro darajada tan olingan sertifikatlar taqdim etiladi.