Sportdagi doping ish faoliyatini sezilarli darajada yaxshilaydigan noqonuniy dorilar hisoblanadi. Doping dastlab Janubiy Afrika aholisi chidamlilikni oshirish uchun ishlatadigan spirtli ichimlikning nomi boʻlgan.

Sportchilar tomonidan qoʻllaniladigan doping dori vositalarining barcha guruhlariga kuchli taʼsir koʻrsatadigan dorilar kiradi, ularning aksariyati jiddiy kasalliklarni davolash uchun ishlatiladi va dorixonalarda retsept boʻyicha sotiladi. Dopingdan foydalanishni faqat maxsus tahlil - doping testi yordamida aniqlash mumkin. Doping nazorati odatda sportchining musobaqalarga chiqishidan oldin yoki undan keyin darhol amalga oshiriladi.

Sportchining oʻzi va uning vakillari odatda dopingdan ongli ravishda foydalanishni inkor etadilar va ijobiy doping testini kasallik uchun dorilar yoki nomaʼlum tarkibdagi ozuqaviy qoʻshimchalardan foydalanish bilan izohlashadi.

1999-yilda Lozannada Xalqaro antidoping konferensiyasi boʻlib oʻtdi va Jahon antidoping komissiyasi tuzildi, uning vazifalari taqiqlangan dorilar roʻyxatini ishlab chiqish va doping testlarini muvofiqlashtirish edi. Ular nafaqat musobaqalarda oʻtkazilishi kerak edi, balki musobaqalardan tashqari holatlarda ham oʻtkazish belgilandi. Ushbu qarorlardan soʻng ham doping mojarolari davom etdi. 21-asr boshida Xalqaro olimpiya qoʻmitasi (XOQ) tomonidan taqiqlangan dorilar roʻyxatida 300 dan ortiq asosiy va jami 10 000 ga yaqin dori vositalari taqiqlangan roʻyxatga qoʻshildi. Qoidalarga koʻra, sportchi 1 yildan 4 yilgacha sportdan chetlatilishi mumkin, agar qoidabuzarlik takroran amalga oshirilsa sportchi yoki uning murabbiyi umrbod sportdan chetlashtiriladi.

Milliy antidoping agentligi

Axborot xizmati