Agentlik yangiliklari
Agentlik yangiliklari
“O‘zbekiston Konstitutsiyasining 30 yilligi” esdalik nishonlari o‘z egalariga topshirildi
O‘zbekiston Respublikasi Konstitutsiyasi xalqimiz siyosiy-huquqiy tafakkurining yorqin ifodasi sifatida demokratik davlat va kuchli fuqarolik jamiyatini barpo etish, aholining erkin va obod turmushini taʼminlash, mamlakatning xalqaro maydondagi obro‘-eʼtiborini yuksaltirish hamda barcha sohalarda islohotlarni muvaffaqiyatli amalga oshirishda mustahkam poydevor bo‘lib xizmat qilmoqda.
Shu maqsadda O‘zbekiston Respublikasi Konstitutsiyasi qabul qilinganining 30 yilligi munosabati bilan “O‘zbekiston Konstitutsiyasining 30 yilligi” esdalik nishoni taʼsis etildi.
Nishonlar bilan bir guruh sohada xizmat qilib kelayotgan rahbar xodimlar taqdirlanmoqda. Kecha mazkur nishonlarni o‘z egalariga topshirish maqsadida Turizm va madaniy meros vazirligida tadbir bo‘lib o‘tdi. Tadbirda O‘zbekiston Respublikasi Bosh vazirining o‘rinbosari, Turizm va madaniy meros vaziri Aziz Abduhakimov olib bordi va barchani mazkur sana munosabati bilan tabrikladi hamda nishonlarni o‘z egalariga topshirdi.
Ushbu tadbirda O‘zbekiston Milliy antidoping agentligi bosh direktori Abdushukur Sadikov ham ishtirok etdi va “O‘zbekiston Konstitutsiyasining 30 yilligi” esdalik nishoni bilan taqdirlandi. Shuningdek, Agentlikning Doping nazorati bo‘limi mutaxassisi Asal Muslimovaga ham esdalik nishon topshirildi.
