Agentlik yangiliklari
Agentlik yangiliklari
Butunjahon antidoping agentligining yillik simpoziumi o‘z ishini yakunladi
Avval xabar berganimizdek, Shvetsariyaning Lozanna shahrida Butunjahon antidoping agentligi (VADA) ning yillik simpoziumi bo‘lib o‘tmoqda. Simpozium birinchi ish kunida davlatlar o‘rtasidagi hamkorlik, davlatlarning VADA kodeksiga bo‘lgan munosabati va Birlashgan millatlar tashkiloti tomonidan taʼsis qilingan konvensiya haqida so‘z bordi.
Sammitni ikkinchi kuni bir qator xorijiy davlatlar antidoping agentliklari va VADA tomonidan akkreditatsiyadan o‘tgan laboratoriyalar, korxonalar rahbarlari bilan uchrashuvlar bo‘lib o‘tdi.
Xususan, Agentlik direktori A.Sadikov VADA bosh menejeri Ieva Lukosituen-Stanikuniyene, Osiyo mintaqasi boshlig‘i Kenny Lee, VADAning Muvofiqlik qoidalari va standartlar bilan ishlash bo‘yicha direktor o‘rinbosari Emiliano Simonelli, Koreya antidoping agentligi direktori Young Hee Lee hamda RADOKA menejeri Venera Abdula bilan muloqotlar bo‘lib o‘tdi. Muloqot davomida hozirgi kunda antidoping sohasida yuzaga kelayotgan muammoli masalalarni hal qilish bo‘yicha fikr almashildi va kelishuvlarga erishildi.
O‘z navbatida VADAning Muvofiqlik qoidalari va standartlar bilan ishlash bo‘yicha direktor o‘rinbosari Emiliano Simonelli Agentlikning 2018-2022 yilgi faoliyatini to‘liq tekshirilganligi va tekshiruvlarni muvaffaqiyatli yakunlagani shuningdek, halol sport yo‘lida samarali faoliyat olib borilayotganligi bilan Agentlik direktori A.Sadikovga minnatdorchilik bildirdi.
14-15 mart kunlariga rejalashtirilgan VADAning yillik simpoziumi o‘z ishini yakunladi.
