Agentlik yangiliklari
Agentlik yangiliklari
YUNESKO Konvensiyasi yuzasidan yigʼilish oʼtkazildi
Dunyo boʼyicha deyarli barcha mamlakatlar amal qilishi lozim boʼlgan bir qator xalqaro normativ hujjatlar mavjud. Bulardan biri Butunjahon antidoping kodeksiga qoʼshimcha ravishda tasdiqlangan “Sportda dopingga qarshi kurash toʼgʼrisida”gi xalqaro Konventsiyadir.
2005 yilning 19 oktyabrь kuni qabul qilingan Konvensiyaning asosiy maqsadi tinchlik va xavfsizlikka koʼmaklashishga hissa qoʼshish, shuningdek jismoniy tarbiya va sport sohasidagi faoliyatida dopingni oldini olish va uni bartaraf etish maqsadida sportda dopingga qarshi kurashishdir.
Mazkur Konvensiya qoidalariga amal qilinishi boʼyicha har ikki yilda bir marotaba Frantsiyaning Parij shahrida YUNESKO tashkilotiga aʼzo 195 dan ortiq davlatlar vakillari ishtirokida sessiya oʼtkaziladi.
Bugun Oʼzbekiston Respublikasi Milliy antidoping agentligida mazkur masalaga aloqador boʼlgan vazirlik va idoralar vakillari ishtirokida ishchi yigʼilish tashkil qilindi.
Yigʼilishda, YUNESKO ishlari boʼyicha Oʼzbekiston Respublikasi Milliy komissiyasi, Yoshlar siyosati va sport vazirligi, Milliy olimpiya qoʼmitasi va Farmatsevtika tarmogʼini rivojlantirish agentligidan vakillar ishtirok etishdi.
Ishchi yigʼilish raisi Oʼzbekiston Respublikasi Milliy antidoping agentligi direktori А.Sadikov Konventsiyaning asosiy maqsadi, unda koʼrsatilgan bandlar boʼyicha amalga oshirilgan va bajarilishi lozim boʼlgan masalalarga toʼxtalib oʼtdi.
