Agentlik yangiliklari
Agentlik yangiliklari
MOQda terma jamoa shifokorlari ishtirokida 24 soatlik malaka oshirish kursi bo‘lib o‘tmoqda
O‘zbekiston Respublikasi Prezidentining 2022 yil 24 dekabrdagi “Yangi O‘zbekiston maʼmuriy islohotlarini amalga oshirish chora-tadbirlari to‘g‘risida”gi Farmoni qabul qilingan bo‘lib, ushbu farmon bilan davlat idoralarini yangi bosqichga olib chiqish, har bir sohani yana-da rivojlantirish borasida islohotlar nazarda tutilgan.
Shu maqsadda O‘zbekiston Respublikasi Milliy antidoping agentligi tomonidan respublikada faoliyat olib borayotgan sport shifokorlari, murabbiylar va mutasaddilar ishtirokida uzluksiz kasbiy taʼlimni taʼminlash maqsadida antidoping malaka oshirish kursi tashkil qilinmoqda.
Bugun, O‘zbekiston Milliy olimpiya qo‘mitasi majlislar zalida ustuvor hisoblangan federatsiya va assotsiatsiyalarning sport shifokorlari uchun 24 soatlik malaka oshirish kursi boshlandi.
Uch kunga mo‘ljallangan antidoping malaka oshirish kursida antidoping qoidabuzarliklari, ADAMS platformasida yuzaga kelishi mumkin bo‘lgan muammolar, terapevtik instisnodan qanday foydalanish va doping sinama topshirish vaqtida sportchining majburiyati va huquqlari to‘g‘risida tushuntirishlar berilmoqda.
Malaka oshirish kursi yakunida sertifikatlar topshiriladi.
