Halol sport kuni Butunjahon antidoping agentligi (VADA) tomonidan 2013 yildan buyon nishonlanib kelinadi.
Ushbu sana munosabati bilan har bir antidoping tashkilotlari o‘z mamlakatlarida halol sportni targ‘ib qilishga qaratilgan roliklar, davra suhbatlari va qiziqarli o‘yinlarni o‘tkazishadi.
O‘zbekiston Respublikasi Milliy antidoping agentligi ham ushbu sana munosabati bilan ko‘plab tadbirlarni tashkil etmoqda. Jumladan, Respublika olimpiya va paralimpiya sport turlariga tayyorlash markazida yosh sportchilar, murabbiylar va sport shifokorlari ishtirokida davra suhbati va qiziqarli savol javob o‘yinlarini o‘tkazishdi.