Mazkur qaror bilan Аgentlik zimmasiga qator vazifalar yuklandi. Jumladan, xalqaro hamkorlikni rivojlantirgan xolda, respublikada va xorijda oʼtkaziladigan musobaqalarda doping-sinamalar olish huquqiga ega boʼlgan xalqaro toifadagi doping ofitserlarni Xalqaro test agentligida (International Testing Agency) oʼqitishni yoʼlga qoʼyish vazifasi yuklatilgan edi.

Mazkur topshiriq ijrosini taʼminlash maqsadida VАDАning Xalqaro test agentligi (ITА) xalqaro doping ofitserlarni oʼqitish va malakasini oshirish markazi tomonidan 3 nafar agentlik mutaxassisi oʼqitildi va Xalqaro toifadagi doping ofitser maqomiga ega boʼldi.

Endi OʼzMАDАning xalqaro doping ofitserlari joriy yilda Xanchjouda (Xitoy) Osiyo oʼyinlari hamda Parij-2024 Olimpiya va Paralimpiya oʼyinlarida hamda xalqaro nufuzli musobaqalarda doping ofitser sifatida ishtirok etishadi.