Shunday seminarlardan biri O‘zbekiston Respublikasi Prezidentining 2022 yil 2 iyuldagi “2026 yil Milan va Kortina-d‘Ampesso shaharlarida (Italiya) bo‘lib o‘tadigan XXV qishki Olimpiya va XIV Paralimpiya o‘yinlariga O‘zbekiston sportchilarini kompleks tayyorlash to‘g‘risida”gi PQ–303-sonli qarori ijrosini taʼminlash maqsadida Qishki sport turining figurali uchish bo‘yicha terma jamoa aʼzolariga “Antidoping taʼlimi va xalqaro darajadagi musobaqalarga qatnashish imkonini beruvchi sertifikat”ni olish bo‘yicha Qishki oliy sport maktabi majlislar zalida  o‘quv-seminar o‘tkazildi.

 Seminar davomida sportchilar, trenerlar, tibbiyot xodimlari orasida dopingga qarshi murosasiz muhitni yaratish, halol sport va adolatli raqobat tamoyillarini keng targ‘ib qilish hamda ADeL platformasi orqali ro‘yxatdan o‘tib, taqdim etiladigan sertifikatni qo‘lga kiritish bo‘yicha tushunchalar berildi.

 Shu kabi o‘quv-seminarlar chekka hududlarga borgan holda va onlayn shaklda seminar, vebinar, uchrashuv, davra suhbatlari reja asosida doimiy ravishda o‘tkazib kelinmoqda.