Mazkur qaror qabul qilingandan soʻng Oʻzbekiston Respublikasi Milliy antidoping agentligiga qator vazifalar yuklatildi. Jumladan, Agentlik xodimlarini malakasini oshirish maqsadida xalqaro antidoping tashkilotlari bilan hamkorlikni yoʻlga qoʻygan holda xorij tajribasini mamlakatimizda joriy qilish belgilangan edi.

Ushbu qaror ijrosini taʼminlash maqsadida Agentlik uzoq yillardan beri samarali faoliyat olib borayotgan Koreya antidoping agentligi bilan hamkorlikni yoʻlga qoʻydi. Shu kunga qadar 10 nafar Agentlik xodimi Koreya antidoping agentligida malaka oshirdi. Navbatdagi tajriba almashish va malaka oshirish kurslari Oʻzbekiston Milliy antidoping agentligida boʻlib oʻtadi.

Bugun shu masala yuzasidan Oʻzbekiston Milliy antidoping agentligi direktori A.Sadikov va Koreya antidoping agentligi direktori K.Kim oʻrtasida onlayn tarzda yigʻilish oʻtkazildi. Shuningdek, yigʻilishda Oʻzbekiston va Koreya antidoping agentliklari xodimlari ham ishtirok etishdi.

Yigʻilishda asosiy masala navbatdagi tajriba almashish va malaka oshirish kurslarida terapevtik istisnolar, ADAMS platformasi, antidoping taʼlim dasturlari va doping nazorati yoʻnalishlari boʻyicha tajriba almashishga kelishib olindi.