Mazkur qaror qabul qilingandan so‘ng O‘zbekiston Respublikasi Milliy antidoping agentligiga qator vazifalar yuklatildi. Jumladan, Agentlik xodimlarini malakasini oshirish maqsadida xalqaro antidoping tashkilotlari bilan hamkorlikni yo‘lga qo‘ygan holda xorij tajribasini mamlakatimizda joriy qilish belgilangan.

Shu maqsadda O‘zbekiston Respublikasi Milliy antidoping agentligi Koreya antidoping agentligi bilan xodimlar malakasini oshirish, o‘zaro tajriba almashishga qaratilgan memorandum imzolangan. Memorandumga muvofiq dastlab O‘zbekiston Milliy antidoping agentligi xodimlari Koreyaga borgan xolda malaka oshirishgan bo‘lsa, ayni kunlarda Koreya antidoping agentligi xodimlari mamlakatimizda bo‘lib turibdi.

Mutaxassislar antidoping taʼlim dasturlari, terapevtik istisnolar, ADAMS platformasi va doping nazorati jarayoni bo‘yicha tajribalari bilan o‘rtoqlashadi.

Maʼlumot uchun aytib o‘tmoqchimiz Koreya antidoping agentligi 2006 yilda tashkil topgan bo‘lib, shu kunga qadar faoliyat olib bormoqda. Taʼkidlash joiz Koreya antidoping agentligi nafaqat Osiyoda balki dunyo bo‘yicha ham yuqori o‘rinlarni egallab turgan tashkilotlardan biridir.