Jumladan, VADAning Hukumatlararo Osiyo va Okeaniya mamlakatlari vazirlari yig‘ilishini 2024 yil 22-23 may kunlari Toshkentda tashkil etilmoqda. Tashkent mehmonxonasida ushbu anjumanning ochilish marosimi bo‘lib o‘tdi. Unda, 34 mamlakatdan tashrif buyurgan sport vazirlari, antidoping tashkiloti vakillari qatnashmoqda.

Ushbu nufuzli anjumanni  O‘zbekiston Sport vaziri Adham Ikramov ochib berdi va Prezident Adminstratsiyasi ijtimoiy rivojlanish departamentining rahbari Odil Abdurahmonov va VADA prezidenti Vitold Banka tadbir ishtirokchilariga o‘zlarining samimiy tilaklarini bildirishdi. 

“Avvalo O‘zbekiston Hukumatiga mana shunday tadbirni tashkil qilishda jonbozlik ko‘rsatgani uchun minatdorlik bildiraman. Mamlakatingizda barcha sohalar kabi sport va antidoping sohasi ham tezkorlik bilan rivojlanib bormoqda. VADA O‘zbekiston Milliy antidoping agentligini har tomonlama qo‘llab-quvvatlashga tayyor”, - dedi Vitold Banka.

Dasturdan VADA hamda O‘zbekiston Milliy antidoping ishtirokida uzoqqa mo‘ljallangan, o‘zaro hamkorlik memorandumini imzolash marosimi ham bo‘lib o‘tdi. Bu ham bo‘lsa rivojlanib borayotgan yangi soha uchun yuqori marralardan biri desak mubolag‘a bo‘lmaydi.

 Mazkur mintaqaviy yig‘ilishning asosiy maqsadi - milliy va mintaqaviy antidoping tashkilotlari bilan tajriba almashish, shuningdek, sportda dopingga qarshi samarali kurashishning innovatsion usullarini muhokama qilishdan iborat. 

Davom etayotgan anjumanda antidoping sohasi bo‘yicha mamlakatlar o‘zlari tomonidan dopingga qarshi kurashish borasida amalga oshirilayotgan ishlar to‘g‘risida hisoboti tinglanmoqda va oldindagi yangi rejalar bo‘yicha takliflari ko‘rib chiqilmoqda.

Toshkent anjumani ertaga 23 may kuni ham davom etadi.