Mazkur qaror bilan sportda doping qo‘llanishining oldini olish va sportchi, murabbiy va sport shifokorlariga antidoping qoidalarini o‘rgatish, doping nazoratini amalga oshirish borasida trenerlar va tibbiyot xodimlari uchun ilmiy-amaliy konferensiya va malaka oshirish kurslarini tashkil etish, antidoping sohasida faoliyat olib borayotgan tajribali xalqaro tashkilotlar bilan aloqalarni mustahkamlash bo‘yicha ham tegishli topshiriqlar berilgan.

Mazkur qaror ijrosini taʼminlash maqsadida O‘zbekiston Milliy antidoping agentligi va Koreya antidoping agentligi o‘rtasida tuzilgan xodimlar malakasini oshirish, o‘zaro tajriba almashishga qaratilgan memorandumga muvofiq koreyalik mutaxassislar Agentligimizga tashrif buyurdi.

Uch kunga mo‘ljallangan tajriba almashish va malaka oshirish kursida antidoping taʼlim dasturlari, terapevtik istisnolar, ADAMS platformasi, tergov-surushtiruv hamda doping nazorati jarayoni bo‘yicha tajribalari bilan o‘rtoqlashdi va qizg‘in muhokamalar bo‘lib o‘tdi.

Bu kabi o‘quv seminarlar va malaka oshirish kurslardan ko‘zlangan asosiy maqsad mamlakatimizda halol sport targ‘ibotini yanada kuchaytirish va xorij tajribasini amaliyotda qo‘llashdan iboratdir.